馬德裏打吡變身C朗個人騷!呢位皇馬殺神今晨喺歐聯4強首回合大演帽子戲法,率領「銀河艦隊」主場以3比0大炒死敵馬體會,可以話半隻腳踩入咗下月3日喺加的夫舉行嘅決賽!連同今場3個入波,C朗成為史上首位喺歐聯淘汰賽階段入波突破50大關嘅球員.此外,佢喺今屆歐聯經已攻入10粒,亦令佢喺射手榜追到隻落後宿敵美斯1球；由於後者所屬嘅巴塞隆拿已經出局,C朗家陣等於叫緊兩飛,歐聯有機會奪標,歐聯金靴都隨時會落埋佢袋呀!皇馬今場甫開賽就佔得上風,C朗喺10分鐘就接應卡斯米路傳中近門頂入,協助皇馬領先.上半場「銀河艦隊」佔盡優勢,馬體會僅有前鋒加美路單刀被撲去腳下球,連射門都未能完成.換邊後,皇馬繼續控製形勢,佢哋先喺73分鐘,再由C朗禁區邊勁射破網,拉開紀錄到2比0.完場前4分鐘,C朗喺離門10碼接應盧卡斯華斯基斯傳中,無人看管下冷靜射入,完成帽子戲法,協助皇馬大勝3比0.值得一提,連埋上輪對拜仁計算,C朗已經係連續兩場中三元,喺歐聯入波更增加到104球,認真犀利!東網體育同你追實體壇每個精彩時刻! http://bit.ly/2ecTF2A 原文地址：http://hk.on.cc/hk/bkn/cnt/sport/20170503/bkn-20170503044012656-0503_00882_001.html
