警報器
防走失背包
追奶
貼紙書
親子餐廳
親子共讀
積木
產後瘦身
教養
拼圖
戒夜奶
副食品

林太親臨將軍澳單車館 為港健兒打氣

  圖:候任特首林鄭月娥尋日到將軍澳單車館,幫香港嘅運動員打氣。林太喺賽後慰問Sarah,合照留影  尋日係場地單車世界錦標賽2017最後一日賽事,將軍澳嘅香港單車館氣氛,仲熱過街上嘅氣溫。候任行政長

  圖:候任特首林鄭月娥尋日到將軍澳單車館,幫香港嘅運動員打氣。林太喺賽後慰問Sarah,合照留影   尋日係場地單車世界錦標賽2017最後一日賽事,將軍澳嘅香港單車館氣氛,仲熱過街上嘅氣溫。候任行政長官林鄭月娥都親自去賽場,幫香港嘅運動員打氣。「牛下女車神」李慧詩(Sarah)喺最後嘅女子凱林賽雖然大熱倒灶,但喺爭先賽成功奪得銅牌,而佢嘅表現亦一早贏盡港人掌聲。   慰問李慧詩 擔心壓力大   林太喺賽後都有特登去慰問Sarah。Sarah話,林太問佢攰唔攰同有無壓力,又話好開心比賽有咁多觀眾睇,林太自己都有買飛支持,佢仲話希望Sarah繼續努力,同會留意Sarah之後有咩比賽。而Sarah都話自己有少少攰,因為已踏入比賽最後一日,但認為自己已經盡咗全力表現香港人精神,感謝大家對佢嘅支持。   其實鄭晴知道,林太一直都好支持本地體育發展,好似佢參選特首時,香港單車代表隊總教練沈金康亦有拍片支持林太,提到2006年多哈亞運會時同林太建議政府應興建一個單車館,而今日比賽嘅香港單車館,正正就係當年林太同佢傾完之後宣布興建嘅!   鄭晴 原文地址:http://www.imastv.com/news/hongkong/2017-4-17/news_content_154955.shtml